Llannerch y Tylwyth Teg (Hardback)

Mae’r llyfr bach cardfwrdd hwn wedi'i dorri ar ffurf caws llyffant hud , a rhwng ei gloriau cawn ddarganfod gwlad y tylwyth teg mewn lluniau lliwgar iawn a thestun syml a fydd yn apelio at y plant lleiaf. Ceir yma dylwyth teg o bob lliw a llun, yn ogystal â blodau, anifeiliaid bach gwyllt (gwenyn, pilipala, buwch goch gota), ac enfys lwigar yn arwain at grochan hardd, a’r cyfan yn ddeniadol a llon. Mae’r ffenestri bach sydd wedi'u torri rhwng y tudalennau yn arbennig o glyfar: gellir chwilio am y tylwyth teg bach wrth sbio drwyddynt i’r dudalen nesaf, ac hefyd wrth edrych yn ôl tua’r dudalen flaenorol. Felly mae’n llyfr i’w ddarllen eto ac eto gyda’r rhai lleiaf.